Hasiera - 100 Dias
2023-2027 LEGEGINTZALDIA
Lehendakariaren balantzea
Maria Chivite Navascues Nafarroako Lehendakariak 2023-2027 legegintzaldirako Foru Exekutibo berriaren aurrean daramatzan lehen 100 egunen balantzea egin du, eta herritarren arretaren, eskubideen, fiskalitatearen eta azpiegituren arloan egindako hobekuntzak nabarmendu ditu batez ere. Lehendakariak azpimarratzen duenez, aurrerapen horiek nabariak dira herritarrentzat, eta zerbitzu publikoen “etengabeko hobekuntzako” legegintzaldia izatea espero dute, nazioarteko panorama geopolitikoan “ziurgabetasun-garaietan konfiantza sortuko duen” kudeaketa bat eginez.
Legegintzaldiaren hasiera honen mugarriak
Azpiegitura berriak
Herritarren zerbitzura dauden proiektuak
Gobernuaren lehen 100 egunetan, herritarren zerbitzura jarri dira osasun-prestazioaren, hezkuntza publikoaren edo lan-orientazioaren kalitatea hobetuko duten azpiegitura berriak. Gainera, lurralde-egituraketa erraztu da, errepide berriak ireki baitira, eta AP-15 errepidearen doakotasuna zabaldu da ibilgailu arinentzat.
Etorkizuneko erronkak
Nafarroaren helburuei aurre egiteko ekintzak
Legegintzaldiaren hasiera honetan, Nafarroan nazioko eta Europako ekitaldiak egin dira, despopulazioaren edo industriaren eraldaketaren inguruan, legegintzaldi honetako lehentasunezko helburuetako bat baita. Era berean, eskolatik hasita edo kirola eginez berdintasunean hezteak helburu estrategikoa izaten jarraitzen du Nafarroako Gobernuarentzat.
Zerbitzu publikoak hobetzea
Herritarrei arreta ematen aurrera egiteko proiektuak
Gobernuak zerbitzu publikoen etengabeko hobekuntza eta herritarren eskaera berrietara egokitzeko lanak ditu aurrean. Lehen 100 egunetan, herritarrentzako arreta zabaldu da, behin-behinekotasuna murrizteko LEP bat onartu da, eta aparteko laguntzak onartu dira toki-erakundeek azken aldiko muturreko baldintza meteorologikoek eragindako kalteei aurre egin diezaieten.
Herritarren eskubideak
Eskubideetan aurrera egiteko proiektuak
Gobernuak alokairuko Poltsa publikoaren baldintzak hobetu ditu etxebizitza gehiago izateko, gazteentzako laguntzak handitzearekin batera. Horrez gain, PFEZaren tarifaren deflaktazioa onartu du, eta horrek inflazioaren eragina mugatuko du hurrengo bi errenta-kanpainetan. Nafarroak, halaber, aitzindaria izaten jarraitzen du justizia errestauratiboan, Elizaren barruan abusuak jasandako biktimentzako proiektu pilotu bat baitu.